អ្នកឧកញ៉ា គួច ម៉េងលី និងក្រុមគ្រួសារ បរិច្ចាគគ្រឿងឧបភោគ បរិភោគ ដល់ប្រជាពលរដ្ឋក្រីក្រ៤០០គ្រួសារនៅខេត្តកំពង់ឆ្នាំង
ថ្ងៃសៅរ៍, ខែមេសា 23, 2022
មូលនិធិ ម៉េងលី ជេ. គួច ក្រោមជំនួយឧបត្ថម្ភផ្ទាល់ពីអ្នកឧកញ៉ា វេជ្ជបណ្ឌិត គួច ម៉េងលី និងមាតា បិតា ព្រមទាំងក្រុមគ្រួសារ បានបរិច្ចាគគ្រឿងឧបភោគ បរិភោគ មានដូចជា អង្ករ ត្រីខកំប៉ុង មី ទឹកត្រី ទឹកស៊ីអ៊ីវ និងថវិកា ដល់ប្រជាពលរដ្ឋក្រីក្រជាង ៤០០ គ្រួសារ មកពីភូមិចំនួន៤ ក្នុងឃុំច្រណូក ស្រុកកំពង់លែង ខេត្តកំពង់ឆ្នាំង។ សូមបញ្ជាក់ផងដែរថា កម្មវិធីសប្បុរសធម៌នេះ គឺជាគម្រោង អាហារសប្បុរសធម៌ ម៉េងលី ជេ. គួច លើកទី២៦៥ នៃមូលនិធិ ម៉េងលី ជេ. គួច។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
