គម្រោងគុណភាពបង្រៀន និងការសិក្សា

​គម្រោង​គុណភាព​នៃ​ការ​បង្រៀន​ ​និង​ការសិក្សា​គឺជា​គម្រោង​អប់រំ​ថ្មី​មួយ​ក្នុងចំណោម​គម្រោង​អប់រំ​ថ្មី​ចំនួន​៦​ ​ដែល​ត្រូវ​បាន​រចនា​ឡើង​ដោយក្រុម​ការងារ​របស់​អង្គការ​មូលនិធិ​ម៉េង​លី​ ជេ. គួ​ច​ ​កាលពីដើម​ឆ្នាំ​២​០​១​៩​ ​និង​ត្រូវ​បាន​អនុម័ត​ជា​ផ្លូវការ​ដោយ​លោក​ឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​នាយក​ប្រតិបត្តិ​ ​នៃ​អង្គការ​មូលនិធិ​ ​ម៉េង​លី​ ជេ. គួ​ច​ ​នៅ​ថ្ងៃ​ទី​១​១​ ​ខែ​មិថុនា​ ​ឆ្នាំ​២​០​១​៩​។​ ​គម្រោង​នេះ​មាន​គោលបំណង​ដើម្បី​លើកទឹកចិត្ត​សិស្សានុសិស្ស​ ​និង​កុមារ​នៅ​ក្នុង​សហគមន៍​ឱ្យ​មានចិត្តចង់​រៀន​ ​និង​ដើម្បី​លើក​ក​ម្ពស់ ​ប្រព័ន្ធ​អប់រំ​នៅ​កម្ពុជា​ធ្វើ​ឱ្យ​ប្រសើរ​ឡើង​។​

​ចាប់តាំង​ពី​ការ​បង្កើត​គម្រោង​នេះ​ ​អង្គការ​មូលនិធិ​ម៉េង​លី​ ជេ. គួ​ច​ ​បាន​ធ្វើសកម្មភាព​គម្រោង​នេះ​ដូចជា​ការ​ផ្តល់​កុំព្យូទ័រ​ម៉ាស៊ីន​បញ្ចាំង​ ​L​C​D​ ​ក្តារ​ព័ត៌មាន​ ​កៅអី​សិក្សា​ ​ឯកសណ្ឋាន​សិស្ស​ ​ស​ម្ភារៈ​បង្រៀន​ ​ស​ម្ភារៈ​ការិយាល័យ​ ​សាងសង់​បង្គន់​អនាម័យ​ ​អណ្តូង​ទឹក​ ​អាង​ស្តុក​ទឹក​ ​សួន​ផ្កា​នៅ​ក្នុង​សាលារៀន​ ​ជាដើម​ ​ស្ថិតនៅ​ក្នុង​ខេត្ត​កំពង់ចាម​ ​កំពង់ឆ្នាំង​ ​ពោធិ​សាត់​ ​ព្រៃវែង​ ​ក្រចេះ​ ​កំពង់ធំ​ ​និង​ភ្នំពេញ​។