មូលនិធិ ម៉េងលី ជេ. គួច និងសិស្សសាលា AIS ចែកអំណោយដល់សាលាសហមន៍ត្នោតជ្រុំ ខេត្តសៀមរាប
ថ្ងៃចន្ទ, ខែវិច្ឆិកា 28, 2022
មូលនិធិ ម៉េងលី ជេ. គួច សហការជាមួយបណ្ណាល័យ ម៉េងលី ជេ. គួច និងក្រុមយុវសិស្សស្ម័គ្រចិត្តជួយគាំទ្រការងារបណ្ណាល័យ ម៉េងលី ជេ. គួច ព្រមទាំងមជ្ឈមណ្ឌលភាសា អេ អាយ អាយ សាខាសៀមរាប បានឧបត្ថម្ភថវិកាសម្រាប់កែលម្អបន្ទប់បណ្ណាល័យចំនួន០១ ធ្នើរដាក់សៀវភៅចំនួន០៣ធ្នើរ សៀវភៅអានចំនួន៨២០ក្បាល និងសម្ភារសិក្សាចំនួន២៥០កញ្ចប់ ជូនដល់សាលាសហមន៍ ត្នោតជ្រុំ ស្ថិតនៅភូមិតត្នោតជ្រុំ ឃុំដូនកែវ ស្រុកពួក ខេត្តសៀមរាប ដែលចំណាយថវិកាសរុបចំនួន ៤,១៧៨ ដុល្លារអាមេរិក។ សូមបញ្ជាក់ថា កម្មវិធីសប្បុរសធម៌នេះ គឺជាសកម្មភាព នៃដំណើរទស្សនកិច្ច ម៉េងលី ជេ. គួច លើកកម្ពស់ការងារបណ្ណាល័យ លើកទី៤ ក្នុងឆ្នាំ២០២២។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
