មូលនិធិ ម៉េងលី ជេ. គួច និងសិស្សសាលា AIS ចែកអំណោយដល់សាលាថ្មហាលវាល ខេត្តក្រចេះ
ថ្ងៃសៅរ៍, ខែវិច្ឆិកា 19, 2022
មូលនិធិ ម៉េងលី ជេ. គួច សហការជាមួយបណ្ណាល័យ ម៉េងលី ជេ. គួច និង ក្រុមយុវសិស្សស្ម័គ្រចិត្តជួយគាំទ្រការងារបណ្ណាល័យ ម៉េងលី ជេ. គួច បានបរិច្ចាគសៀវភៅសរសេរចំនួន២២៦ក្បាល ប៊ិកចំនួន២២៦ដើម សៀវភៅអានភាសាខ្មែរ និងអង់គ្លេសចំនួន ២៤០ ក្បាល ដល់សិស្សានុសិស្សចំនួន២២៦នាក់ នៃសាលាបឋមសិក្សា ថ្មហាលវាល ស្ថិតក្នុងភូមិថ្មហាលវាល ឃុំ២ធ្នូ ស្រុកស្នួល ខេត្តក្រចេះ។ សូមបញ្ជាក់ថា កម្មវិធីសប្បុរសធម៌នេះ គឺជាសកម្មភាព នៃដំណើរទស្សនកិច្ច ម៉េងលី ជេ. គួច លើកកម្ពស់ការងារបណ្ណាល័យ លើកទី៣ ក្នុងឆ្នាំ២០២២។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
