អ្នក ឧកញ៉ា គួច ម៉េងលី បរិច្ចាគ ថវិកា ចំនួន ៥០០ ដុល្លារអាមេរិក ជូនលោក អ៊ុក ថុន មកពី ខេត្ត កំពង់ធំ
ថ្ងៃព្រហស្បតិ៍, ខែកញ្ញា 8, 2022
មូលនិធិ ម៉េងលី ជេ. គួច ក្រោមជំនួយឧបត្ថម្ភផ្ទាល់ពីអ្នកឧកញ៉ា វេជ្ជបណ្ឌិត គួច ម៉េងលី នាថ្ងៃទី០៨ ខែកញ្ញា ឆ្នាំ២០២២ បានធ្វើការបរិច្ចាគថវិកាចំនួន ៥០០ ដុល្លារអាមេរិក ជូនលោក អ៊ុក ថុន ដើម្បីជួយសម្រួលដល់ការព្យាបាលជំងឺបងស្រីឈ្មោះ អ៊ុក រុន។ សូមបញ្ជាក់ផងដែរថាលោក អ៊ុក ថុន និងក្រុមគ្រួសារ បច្ចុប្បន្នរស់នៅភូមិសិរីសាមគ្គីខាងត្បូង ឃុំស្រឡៅ ស្រុកតាំងគោក ខេត្តកំពង់ធំ។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
