អ្នកជំងឺផ្លូវចិត្តម្នាក់មកពីខេត្តកំពត ទទួលជំនួយ ៥៥០ ដុល្លារពីលោកឧកញ៉ា គួច ម៉េងលី
ថ្ងៃចន្ទ, ខែសីហា 2, 2021
ឧកញ៉ា វេជ្ជបណ្ឌិត គួច ម៉េងលី តាមរយៈមូលនិធិ ម៉េងលី ជេ. គួច កាលពីថ្ងៃទី០២ ខែសីហា ឆ្នាំ២០២១ នេះ បានបរិច្ចាគថវិកាចំនួន៥៥០ដុល្លារអាមេរិក ជូនដល់អ្នកជំងឺម្នាក់ឈ្មោះ ញ៉ ពីរោះ អាយុ២៦ឆ្នាំ ដើម្បីជួយសម្រួលដល់ការចំណាយព្យាបាលជំងឺផ្លូវចិត្ត និងជំងឺឬសដូងបាត ការស្នាក់នៅ និងការហូបចុកប្រចាំថ្ងៃ ក្នុងពេលស្នាក់នៅក្នុងរាជធានីភ្នំពេញ។ សូមបញ្ជាក់ថា លោក ញ៉ ពីរោះ ជាបុរសពោះម៉ាយកូនមួយ មកពីភូមិព្រៃផ្គាំ ឃុំភ្នំកុង ស្រុកអង្គរជ័យ ខេត្តកំពត។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាដូចគ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
