មូលនិធិ ម៉េងលី ជេ. គួច សហការជាមួយក្រុម The Blue Pearl បរិច្ចាគសម្ភារសិក្សាដល់សាលាបឋមសិក្សាពោធិ៍អំពិល
ថ្ងៃអាទិត្យ, ខែសីហា 6, 2023
ក្នុងសកម្មភាពសប្បុរសធម៌ ក្រុមគុជខៀវ ដែលមានសិស្សមកពី Aii និង AIS បានសហការជាមួយមូលនិធិ ម៉េងលី ជេ. គួច នាំយកសម្ភារៈសិក្សាចំនួន១២០កញ្ចប់ និងនំ ១៥០ កញ្ចប់បរិច្ចាគដល់សិស្សានុសិស្សជាច្រើននាក់ ក្នុងគោលបំណងរួមចំណែកគាំទ្រដល់ដំណើរការអប់រំរបស់សិស្សានុសិស្សទាំងនេះ។ សាលាបឋមសិក្សាពោធិ៍អំពិល ស្ថិតក្នុងភូមិពោធិ៍ ឃុំសំបូរ ស្រុកទ្រាំង ខេត្តតាកែវ មានសំណាងទទួលបានជំនួយដ៏មានតម្លៃនេះ។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
