មូលនិធិ ម៉េងលី ជេ. គួច និងក្រុមយុវជនស្ម័គ្រចិត្ត The Blue Pearl បរិច្ចាគសម្ភារសិក្សាដល់សាលាបឋមសិក្សារោធ ក្នុងខេត្តកំពង់ចាម
ថ្ងៃអាទិត្យ, ខែឧសភា 21, 2023
មូលនិធិ ម៉េងលី ជេ. គួច សហការជាមួយនិងក្រុមយុវជនស្ម័គ្រចិត្ត The Blue Pearl បានបរិច្ចាគសម្ភារសិក្សាចំនួន ២២០កញ្ចប់ ទឹកសុទ្ធ៥កេស និងនំចំនួន១០០កញ្ចប់ ដល់សិស្សានុសិស្សចំនួន១៩៤នាក់ នៃសាលាបឋមសិក្សារោធ ស្ថិតក្នុងភូមិរោធ ឃុំត្រប់ ស្រុកបាធាយ ខេត្តកំពង់ចាម។ សូមបញ្ជាក់ថា កម្មវិធីសប្បុរសធម៌នេះ គឺជាកម្មវិធីបណ្ណាល័យចល័ត ម៉េងលី ជេ. គួច លើកទី៩០។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
