កម្មវិធីអាហាសប្បុរសធម៌លើកទី២៩១ និងកម្មវិធីបណ្ណាល័យចល័ត ម៉េងលី ជេ. គួច លើកទី៨៩ ទៅកាន់សមាគមផ្ទះអ្នកចម្រូតសម្រាប់កុមារកម្ពុជា
ថ្ងៃសុក្រ, ខែឧសភា 19, 2023
កម្មវិធីអាហារសប្បុរសធម៌ ម៉េងលី ជេ. គួច លើកទី២៩១ ដោយបានបរិច្ចាគអាហារសប្បុរសធម៌ជាប្រភេទបាញ់ស៊ុងលាយគុយទាវកាត់ និងកម្មវិធីបណ្ណាល័យចល័ត ម៉េងលី ជេ. គួច លើកទី៨៩ ដោយបានបរិច្ចាគសៀវភៅអានជាភាសាអង់គ្លេសចំនួន១០០ក្បាល និងសម្លៀកបំពាក់ចំនួន៧កញ្ចប់ ដល់កុមារកំព្រាចំនួន៥០នាក់ នៅសមាគមផ្ទះអ្នកចម្រូតសម្រាប់កុមារកម្ពុជា ដែលមានទីតាំងនៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
