មូលនិធិ ម៉េងលី ជេ. គួច តាមរយៈមជ្ឈមណ្ឌលភាសា Aii និងសាលារៀន AIS បរិច្ចាគមីកញ្ចប់ចំនួន ៥៤ កេស ដល់មន្ទីរអប់រំ យុវជន និងកីឡា
ថ្ងៃអង្គារ, ខែមីនា 28, 2023
មូលនិធិ ម៉េងលី ជេ. គួច តាមរយៈមជ្ឈមណ្ឌលភាសា អេ អាយ អាយ(Aii) និងសាលារៀន អន្តរទ្វីប អាមេរិកាំង (AIS) បានបរិច្ចាគមីកញ្ចប់ចំនួន ៥៤ កេស ដល់មន្ទីរអប់រំ យុវជន និងកីឡារាជធានីភ្នំពេញ ដើម្បីរួមចំណែកឧបត្ថម្ភជូនកងទ័ព និងក្រុមគ្រួសារកងទ័ពឈរជើងការពារនៅខ្សែបន្ទាត់ព្រំដែនប្រចាំប្រាសាទព្រះវិហារ និងឈរជើងការពារនៅតំបន់អូអាឡៃ ស្រុកសៀមប៉ាង ខេត្តស្ទឹងត្រែង។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
