អ្នកឧកញ៉ា គួច ម៉េងលី ផ្តល់អាហារូបករណ៍ជាទឹកប្រាក់ ៣៧,៨៣០ ដុល្លារដល់សិស្សខ្វះខាតជីវភាពចំនួន២នាក់នៅខេត្តសៀមរាប
ថ្ងៃសុក្រ, ខែមីនា 3, 2023
អបអរសាទរចំពោះកុមារី ចិន គឹមហៃ និងកុមារា ចិន រិទ្ធី ជាកូនរបស់លោកគ្រូ ចិន សុខ ដែលរស់នៅខេត្តរៀមរាប ត្រូវបានជ្រើសរើសជាសិស្សអាហារូបករណ៍ ម៉េងលី ជេ. គួច ដើម្បីសិក្សាថ្នាក់ចំណេះដឹងទូទៅ នៅសាលារៀន អន្តរទ្វីប អាមេរិកាំង សាខាសៀមរាប ដែលអាហារូបករណ៍នេះនឹងរ៉ាប់រងការចំណាយលើថ្លៃសិក្សា ១០០% ដល់កុមារា ចិន រិទ្ធី ចាប់ពីថ្នាក់ទី១ រហូតដល់ចប់ថ្នាក់ទី១២ ដែលសរុបជាថវិកាចំនួន ២១,៦៣០ ដុល្លារ និងកុមារី ចិន គឹមហៃ ចាប់ពីថ្នាក់ទី៤ រហូតដល់ថ្នាក់ទី១២ ដែលសរុបចំនួន១៦,២០០ ដុល្លារ មូលនិធិ ម៉េងលី ជេ. គួច ពិតជាមានមោទនភាពណាស់ ចំពោះការជួយឧបត្ថម្ភការសិក្សារបស់យុវសិស្ស ហើយក៏មានមោទនភាពផងដែរ ដែលបានរួមចំណែកជាមួយ រាជរដ្ឋាភិបាលកម្ពុជាក្នុងការជួយបណ្តុះបណ្តាល និងអភិវឌ្ឍយុវជនជាច្រើនឱ្យមានឱកាសបានសិក្សាចប់នៅសាកលវិទ្យាល័យ។
មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។
សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។ មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។ ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។
