មូលនិធិ ម៉េងលី ជេ. គួច រៀបចំយុទ្ធនាការបរិច្ចាគឈាម លើកទី១០ ក្រោមប្រធានបទ “ផ្ដើមក្ដីស្រឡាញ់ ផ្ដើមដោយការបរិច្ចាគ”

ថ្ងៃ​សុក្រ, ខែ​កុម្ភៈ 14, 2025

មូលនិធិ ម៉េងលី ជេ. គួច តាមរយៈកិច្ចសហការជាមួយមន្ទីរពេទ្យបង្អែកខេត្តសៀមរាប មជ្ឈមណ្ឌលភាសា អេ អាយ អាយ និង សាលារៀន អន្ដរទ្វីប អាមេរិកាំង បានប្រារព្ធយុទ្ធនាការបរិច្ចាគឈាម ជាលើកទី១០ របស់ខ្លួន ក្រោមប្រធានបទ “ផ្ដើមក្ដីស្រឡាញ់ ផ្ដើមដោយការបរិច្ចាគ” នាថ្ងៃទី១៤ ខែកុម្ភៈ ឆ្នាំ២០២៥ ដោយមានការអញ្ជើញ ចូលរួមពីអ្នកបរិច្ចាគឈាមដោយស្ម័គ្រចិត្តប្រមាណជាជាង១៧០ នាក់ រួមមាន គណៈគ្រប់គ្រង លោកគ្រូ អ្នកគ្រូ បុគ្គលិកគ្រប់ផ្នែក នៃក្រុមហ៊ុន ម៉េងលី ជេ. គួច អេឌ្យូខេសិន  និស្សិតពីសាកលវិទ្យាល័យអង្គរ  ព្រមទាំងសាធារណៈជនខាងក្រៅផងដែរ។

 

មូលនិធិ ម៉េងលី ជេ. គួច បានកំពុងពង្រីកសកម្មភាពរបស់ខ្លួនដើម្បីជួយដល់ជនក្រីក្រ និងអ្នកខ្វះខាតឱ្យបានកាន់តែច្រើនបន្ថែមទៀត។ អំណោយដែលបានផ្តល់ឱ្យពួកគាត់ អាចជួយស្តារជីវភាពឡើងវិញ និងបន្តជីវិតរបស់ពួកគាត់។ អ្នកទទួលអំណោយទាំងអស់នោះ បានបង្ហាញទឹកមុខសប្បាយរីករាយខ្លាំងណាស់ ហើយមូលនិធិ ម៉េងលី ជេ. គួច មានការប្តេជ្ញាចិត្តខ្ពស់ក្នុងការធ្វើសកម្មភាពផ្តល់ជំនួយដល់ជនងាយរងគ្រោះទាំងនោះ។

 

សេវាកម្មសប្បុរសធម៌របស់មូលនិធិ ម៉េងលី ជេ. គួច គឺជាការផ្តួចផ្តើមមួយដែលកំពុងតែមានសកម្មភាពជាបន្តបន្ទាប់ ដើម្បីជួយប្រជាជនក្រីក្រ តាមរយៈការផ្តល់ជំនួយដល់ប្រជាជន ដែលមានជីវភាពខ្វះខាត។  មូលនិធិ ម៉េងលី ជេ. គួច នៅតែបន្តឆ្លើយតបក្នុងសកម្មភាពអភិវឌ្ឍនៅតាមជនបទ និងតំបន់ដាច់ស្រយាលនានា។  ពួកយើងមានឈាមជ័រតែមួយ ហេតុនេះពួកយើងទាំងអស់គ្នាចង់បង្ហាញដល់មនុស្សជំនាន់ក្រោយៗឱ្យបានឃើញថា ពួកយើងអាចជួយគ្នា ដើម្បីសេចក្តីសុខរបស់មនុស្សគ្រប់គ្នាទាំងពេលបច្ចុប្បន្ន និងទៅអនាគត។